Stammdisch-Archiv vom Juli - Dezämber 2023

Information

• Hilf
• Wikipedia-Handbuech
• Richtlinie
• Glossar
• Index
• Artikelverzeichnis
• Stammtisch
• Kontakt
• Impressum

Willkomme bim Wikipedia-Schtammtisch

Die Syte isch es Wikipedia-Forum für alles, was mit dr alemannische Wikipedia und em alemannische Schprochruum z’due hot! Do ka mer nuie Vorschläg macha und driber abschtimma.

» An neije Bytrag aafange «

---

Archiv

2004 - 2005/1 - 2005/2 - 2006/1 - 2006/2 - 2007/1 - 2007/2 - 2008/1 - 2008/2 - 2009/1 - 2009/2 - 2010/1 - 2010/2 - 2011/1 - 2011/2 - 2012/1 - 2012/2 - 2013/1 - 2013/2 - 2014/1 - 2014/2 - 2015/1 - 2015/2 - 2016/1 - 2016/2 - 2017/1 - 2017/2 - 2018/1 - 2018/2 - 2019/1 - 2019/2 - 2020/1 - 2020/2 - 2021/1 - 2021/2 - 2022/1 - 2022/2 - 2023/1 - 2023/2 - 2024/1

De Peter Wiesinger isch gstoorbe

Für all, wo i de tüütsche Dialäktology schaffed, isch es e truurigi Naachricht: de Peter Wiesinger isch gstoorbe. Er hät unglaublich vil über di tüütsche Mundaarte i de Gägewaart und de Vergangehäit gwüsst, und er hät daadezue e Räie vo Grundlaagewèèrch und Grundlaagenartikel gschribe. Und hät mer irged e Fraag ghaa zu dène Theeme, dänn hät mer em chöne schrybe, und wenig spööter isch e früntlichi und fundierti Antwort umechoo, wo äim ales klaar gmachet hät. Me säit amigs, niemert sei unersetzbaar, aber i dèm Fall stimmt das nööd – de Peter Wiesinger isch würkli unersetzbaar. Syn Tood isch en groosse Verluscht für d Dialäktology. --Freiguet (Diskussion) 22:20, 2. Jul. 2023 (MESZ)

Deploying the Phonos in-line audio player to your Wiki

Hallo!

Apologies if this message is not in your language, Hilf bitte mit, in deine Sprache zu übersetzen to your language.

This wiki will soon be able to use the inline audio player implemented by the Phonos extension. This is part of fulfilling a wishlist proposal of providing audio links that play on click.

With the inline audio player, you can add text-to-speech audio snippets to wiki pages by simply using a tag:

<phonos file="audio file" label="Listen"/>

The above tag will show the text next to a speaker icon, and clicking on it will play the audio instantly without taking you to another page. A common example where you can use this feature is in adding pronunciation to words as illustrated on the English Wiktionary below.

{{audio|en|En-uk-English.oga|Audio (UK)}}

Could become:

<phonos file="En-uk-English.oga" label="Audio (UK)"/>

The inline audio player will be available in your wiki in 2 weeks time; in the meantime, we would like you to read about the features and give us feedback or ask questions about it in this talk page.

Thank you!

UOzurumba (WMF), on behalf of the Foundation's Language team

04:26, 27. Jul. 2023 (MESZ)

WP und TikTok

Welcher Dialekt AVS - Beidräg zom Portal:Schwoba 07:46, 28. Aug. 2023 (MESZ) AVS - Beidräg zom Portal:Schwoba 07:46, 28. Aug. 2023 (MESZ)

Uri? (Auffällig ist die Aussprache der Diphthonge, das heisst es /ie/ und des /üe/, die stark gesenkt sind und teilweise in Richtung Monophthong tendieren, was man sonst aus dem Hasli und dem Pomatt kennt). --Freiguet (Diskussion) 11:29, 1. Sep. 2023 (MESZ)

Das deent scho nach Uiri (oi nu wägem «nytt»), aber nu preziiser chann ich s läider nid häitue. Was es sicher nid isch: Urschnerdiitsch. Und nu weniger redt dä Ma dr Dialäkt vo Selisbäärg. (Aber dä isch oi nid Uirnerdiitsch.) --B.A.Enz (Diskussion) 22:38, 6. Sep. 2023 (MESZ)

Äbe vernim ich vo eim us Uiri, dä Bartli sig e Birgler us em Riedertal und derfti nach em Bernhard Russi dr bekanntischt Uirner sii. Drmit hätti miär diä eminänt wichtig Fraag erledigd. --B.A.Enz (Diskussion) 09:09, 8. Sep. 2023 (MESZ)

Gott sei Dank, jetz chenne mer ändli alli wider rueig schlofe ;-). --Holder (Diskussion) 13:51, 8. Sep. 2023 (MESZ)

D Florence Guggenheim-Grünberg

... isch hüt vor 125 Jaaren uf d Wält choo. Ire verdanked mer fascht ales, was mer über s jetz uusgstoorbe Surbtaalerjiddisch wüssed. Läider hämmer si as «Artikel vo der Wuche» verpasst ...   --Freiguet (Diskussion) 10:37, 30. Aug. 2023 (MESZ)

20 Johr Alemannischi Wikipedia

In zwee Monet, am 13. Novämber het di Alemannisch Wikipedia s 20-Johr-Jubliäum. Solle mer do ebis derzue mache? Z. B. e Dräffe, e bsundere Monet uf dr Hauptsyte, e Prässemitdailig, e Wettbewärb o. ä.? --Holder (Diskussion) 06:34, 1. Sep. 2023 (MESZ)

Es Träffe wèèr schöön! Wider emaal mit e paar Lüüt rede, wo mer scho lang nüme gsee hät! Wie realistisch das isch, wäiss i nööd, es isch daa ja chuum me öpper deby. Wettbiwèèrb sind zur Zyt nöd mügli, wil gägewèèrtig äifach z wenig i der alsWiki mitmached. Prässemittäilige cha mer alefalls bi yschlegige Meedie mache (als da wären?), aber di mäischten intressiered sich nöd für d alsWiki. En bsundere Monet müesst mynere Mäinig würkli Alemannia-spezyfisch sy; me chönnt daadeby au probiere z zäiged, dass d Alemannia A, CH, D, F, FL und I verbindt. En Gruez, --Freiguet (Diskussion) 11:19, 1. Sep. 2023 (MESZ)

E paar Idee: alti Versione vo de Hauptsyte für ei Daag (mit Hywys, worum), jede Daag en Artikel uff de Hauptsyte, wo's numme bi üs git (oder do viil besser isch), uff "Hesch gwüsst?" Fakte un Ereigniss uss de Gschicht vo de alemannische Wikipedia. Aafrooge aa Medie schade natürli nie, aber inzwüsche isch Wikipedia dörte wohl au zimli chalte Kaffi.

Wänn en Dräffe neume wäri, wommer vo Memminge uss relativ schnäll mit em ÖV anechunt, no chönnti vilycht sogar emool ins Flugzüüg styyge (aber wäge mir muess jetz kei unpraktische Ort ussgsuecht werde). --Terfili (Diskussion) 14:21, 4. Sep. 2023 (MESZ)

Un wie wär s derno mit eme Dräffe z Memminge? Vu Züri uus chunnt mer do in zwoo Stund mit em Zug aane. --Holder (Diskussion) 17:40, 4. Sep. 2023 (MESZ)

Nume luit dänkt: Wie wär es Träffe amene Oord zwische Memminge und Ziri? Vilicht z Fridrichshafe am Bodesee? Das setti oi fir Liit us em Weschte oder us em Siide vo de Alemannia nu gued machbar sii – us dr Schwiiz erscht nu verbunde mid ere Fäärifaart. --B.A.Enz (Diskussion) 22:21, 6. Sep. 2023 (MESZ)

Guet, mer mießt emol sammle, wär Inträssi het un no cha mer iberlege, was unser Bahn-Mittelpunkt isch, also s de:Bahnhofbuffet Olten vu dr Alemannische Wikipedia. --Holder (Diskussion) 14:03, 8. Sep. 2023 (MESZ)

Also bi mir ging z Friedrichshafe grad eso guet wie z Memminge. Ich glaub, vo Züri uss sin die eigetli glych wyt ewäg (je nooch Verbindig e weng schnäller bis uff Friedrichshafe). Wänn's für d Mehrheit vo Intressente besser basst, ging au in de Region Basel/Mülhuuse. Bi mir allerdings alles numme am Sunntig nooch em "Geburtsdagswuchenänd", also em 19.11. --Terfili (Diskussion) 15:55, 19. Sep. 2023 (MESZ)

Ich chönnt mer das Daatum reserwiere; in Sachen Oort bin i flexybel. Wie gsèèchs bi öi uus, Benutzer:Al-qamar, Benutzer:B.A.Enz, Benutzer:Fideli, Benutzer:Mathieu Kappler, Benutzer:MireilleLibmann, Benutzer:Pakeha – me tèrf da gèèrn na e paar anderi Lüüt aapinge … --Freiguet (Diskussion) 16:59, 19. Sep. 2023 (MESZ)

Des macht s Finde vun eme Termin natyrli seli aifach, wänn nume ai Daag meegli isch ;-), haa mer där Daag reserwiert un haa gsää, ass es sogar e Zuug git, wu ooni Umstyyge vu Friedrichshafe bis zue miir faart. --Holder (Diskussion) 17:23, 19. Sep. 2023 (MESZ)

Sàlü! Leider bì-n-i dàto nìmm so aktiv (eifàch kè Zitt), àwer fer a Traffa war i ìntressiart. Ìch kumm wohrschins mìt mim Mànn. --MireilleLibmann (Diskussion) 20:50, 19. Sep. 2023 (MESZ)

Das Datum han ich miär afä äinisch iträid und dänkä, äs setti fir mich meglich sii. Allnä ä guätä Herbschtafang. --B.A.Enz (Diskussion) 08:36, 21. Sep. 2023 (MESZ)

Jetz wär natürli au no guet, mer chönnte üs scho für d Region (Basel-Mülhuuse oder Memminge-Friedrichshafe) entscheide. --Terfili (Diskussion) 20:48, 26. Sep. 2023 (MESZ)

Hoi zäme. Meentig goot bi mer fast nööd. Samstig oder Sunntig wäär ke Probleem. Moll luege, wieni und öbi da mache cha, wenns amene Meentig wäär. Uf Fridrichshafe chiemi gern, i chönnt au e Hottel nee und öbernachte, aber em Meentigmoorge um elfi mueni s Zöri sii. Uf Oolte oder anenen anderen Ort, woni scho mit de WP gsii bi, eender nööd, ussert Zöri, do chönnt denn scho emole churz ferbii choo, em Morge oder Nomitaag, nöd aber em Oobed. --al-Qamar (Diskussion) 11:58, 3. Okt. 2023 (MESZ)

Also gut, no mache mer des Dräffe doch z Friedrichshafe am Sunntig, 19. Novämber. Mer chennte jo z. B. zäme ins Zeppelin-Museum oder au ins Dornier-Museum goo un derno no naime in e Gaschthuus. --Holder (Diskussion) 15:45, 3. Okt. 2023 (MESZ)

Wänn des fir alli rächt isch, setz i do mol e Dailnämer-Lischt uf fir d Blanig. Wär chunnt am Sunntig, 19. Novämber 2023 zum Dräffe vu dr Alemannische Wikipedia uf Friedrichshafe?

Aso, i wäär fören Schriibweppewerb. Felicht machet jo denn scho e paar mit. Grad gär nünt mache, wäär kann guete Grund zom Fiire. Mee chönnt e Thema bistimme und hend denn e Monet Laufzitt. --al-Qamar (Diskussion) 16:30, 4. Okt. 2023 (MESZ)

Ich haa im Ibrige jetz bi allne vier Chapter (WMDE, WMCH, WMAT, WMFR) aagfrogt, eb si ne Prässmitdailig chennte uusegee (die hän jo schließli Lyt derfir). WMAT het scho Antwort gee, si mache s gärn, brychte nume no mee Informatione. --Holder (Diskussion) 18:47, 4. Okt. 2023 (MESZ)

Ich wär bimene Schryybwettbewerb au debi. Wänn nit viil Lüt mitmache, no isch's halt eso un mer muess wäge däm nit frustriert sy. Ich würd aber vorschlo, s Thema offe z lo. Sunscht chönne erfaarigsgmäss mangi Lüt nüt demit aafange. --Terfili (Diskussion) 22:47, 5. Okt. 2023 (MESZ)

Dräffpunkt: Friedrichshafe am Bodesee am Sunntig, 19. Novämber am halber elfi (10:30 Uhr) vor em Zeppelin-Museum.

Wär isch deby?

# --Holder (Diskussion) 15:51, 3. Okt. 2023 (MESZ) Wahrschyns mit myre Frau.

1. --Freiguet (Diskussion) 12:04, 4. Okt. 2023 (MESZ) (öb vilicht z zwäite, mues i na luege, aber wol eener nööd)
2. ----al-Qamar (Diskussion) 16:27, 4. Okt. 2023 (MESZ) (chasch jo mii mitnee)
3. --B.A.Enz (Diskussion) 18:15, 4. Okt. 2023 (MESZ) Frdh. liid grad nu dinnä.
4. --Terfili (Diskussion) 22:41, 5. Okt. 2023 (MESZ) (Flüg sin scho buecht :) Ich muess aber so gäge 14/15 Uhr wohl wiider los. Bi aber am Daag devor au scho dört. --Terfili (Diskussion) 22:41, 5. Okt. 2023 (MESZ)
5. --Pakeha (Diskussion) 19:07, 14. Okt. 2023 (MESZ)
6. ---Gestumblindi (Diskussion) 11:19, 16. Okt. 2023 (MESZ) Wenn i drby si darf, au wenn i i de letschte Johre chum öppis do gschribe ha, chum i gärn :-)
7. ---Maurus Achermann (WMCH) (Diskussion) 12:47, 6. Nov. 2023 (MESZ) Ech be interessiert, meh vo öich könne z'lehre und z'verstoh was d'alsWiki-Szene zorzit bewegt.

Wär cha nit?

1. Sorry. — Mathieu Kappler (Diskussion) 03:21, 4. Okt. 2023 (MESZ)
2. Des isch mr z'weid :-) AVS - Beidräg zom Portal:Schwoba 07:26, 4. Okt. 2023 (MESZ)
3. Nei, 's ìsch schliaßlig nìt eifàch fer mìch. --MireilleLibmann (Diskussion) 23:01, 30. Okt. 2023 (MEZ)
4. Tschuldigung, es wär jo därmol wörkli nöd wiit för mii, aber i bi am Sunntig brueflich underwägs. Wünsch Eu es inträssants Träffe. Gruess --Schofför (Diskussion) 23:17, 17. Nov. 2023 (MEZ)
5. Ich mueß laider us gsundhaitlige Grind absage. Mir isch s geschtert in Rugge gfahre, ich cha nit stoh, nit lige, nit laufe, nit hocke ... --Holder (Diskussion) 20:57, 18. Nov. 2023 (MEZ)

Du Aarme! Gueti Besserig! Iich ha defüür grad en Grippenaafall überstande … --Freiguet (Diskussion) 21:38, 18. Nov. 2023 (MEZ)

Oh jeeeee... Gueti Besserig! — Mathieu Kappler (Diskussion) 22:04, 18. Nov. 2023 (MEZ)

Gueti Besserig au vo mir! Gruess usem Züri HB, warte doo grad ufe Zug uf Romanshorn... --Gestumblindi (Diskussion) 07:56, 19. Nov. 2023 (MEZ)

Jä, was chaisch de nu? Gueti Besserig und äs anders Maal wider! --B.A.Enz (Diskussion) 22:01, 19. Nov. 2023 (MEZ)

Au no e gueti Besserung un hoffetli chlappt's näggscht Mool! --Terfili (Diskussion) 11:23, 21. Nov. 2023 (MEZ)

Dräffpunkt

Ich mach emol en Vorschlag fir e Dräffpunkt: S Zeppelin-Museum isch diräkt an dr Fähre, s Dornier-Museum isch am Stadtrand, des spricht ender fir s Zeppelin-Museum. D Fähre vu Romanshorn chunnt als acht Minute no dr volle Stund aa. Wie wär s wämer is am e halber elfi vor em Zeppelin-Museum dräffe? Ich frog do jetz scho noch eme gnaue Dräffpunkt, wel d Prässelyt vu dr Chapter die Info gärn hätte. --Holder (Diskussion) 11:57, 11. Okt. 2023 (MESZ)

I.O. --Freiguet (Diskussion) 12:55, 11. Okt. 2023 (MESZ)

Das isch machbar, oi wenn ich de scho rächt friä us dä Fädärä muäss. --B.A.Enz (Diskussion) 23:01, 13. Okt. 2023 (MESZ)

Isch guet. Am Daag vorhär isch übrigens denn grad dr 100. Züri-Stammtisch. I glaub, wenn i denn scho i Zyri bi, übernacht i grad dött statt uf Solothurn zruggzfahre, de hani am Sunndig weeniger wyt uf Friedrichshafe... Gestumblindi (Diskussion) 12:07, 17. Okt. 2023 (MESZ)

Alli, wu us dr Schwyz cheme, chenne d Fahrtcheschte iber WMCH Expense Report abrächne. --Holder (Diskussion) 15:21, 17. Okt. 2023 (MESZ)

Dr Dräffpunkt isch also klar, aber was machemer denn eigentli? Gömmer is Zeppelin-Museum? Nochhär nöime go ässe? Gestumblindi (Diskussion) 20:21, 13. Nov. 2023 (MEZ)

Jo, genau des isch dr Blan! --Holder (Diskussion) 20:45, 13. Nov. 2023 (MEZ)

Fein :-) Gestumblindi (Diskussion) 21:49, 13. Nov. 2023 (MEZ)

För lldie, wo z Zöri uf de Zuug gönd? Wenn? Und wo treffemer üüs? --al-Qamar (Diskussion) 11:03, 16. Nov. 2023 (MEZ)

Dr Zug (IC 8) fahrt am 8:05 uf Glais 34, villicht waißt eber e guete Dräffpunkt dert? Ich fahr amel ab Züri (un au zoobe wider retur). --Holder (Diskussion) 16:39, 16. Nov. 2023 (MEZ)

A guet. Un woane muemer s Billeet lööse? Uf Fridrichshafe? --al-Qamar (Diskussion) 17:56, 16. Nov. 2023 (MEZ)

Isch da richtig, ass mer uf Romishorn faarid und dai d Fääre uf Fridrichshafe nemed, wo em 9:24 abfaart? --al-Qamar (Diskussion) 14:01, 18. Nov. 2023 (MEZ)

Ja, das isch äsoo. (Chaisch oi bis Fridrichshafä-Hafä leesä.) Ich fräiä mich etz scho ufs Kaffee im Bäizli uf dr Fääri. --B.A.Enz (Diskussion) 17:13, 18. Nov. 2023 (MEZ)

Präss u. a.

• WMCH: Die alemannische Wikipedia feiert 20. Geburtstag, 12. Oktober 2023
• WMAT: Die alemannische Wikipedia feiert 20. Geburtstag, 31. Oktober 2023, lueg au d Pressemitteilung
• WP:Kurier: Die alemannische Wikipedia wird 20, 6. Novämber
• France Bleu Elsass: Les 20 ans de Wikipedia en alémanique, 8. Novämber 2023
• WMDE: Allis Guedi zum 20-Johr-Jubliäum, liebe Alemannische Wikipedia!, 9. November 2023
• Friedel Scheer-Nahor: D Alemannisch Wikipedia fiirt s Zwanzgjährig. In: Alemannisch dunkt üs guet Heft 2/2023, S. 69–70

Gruppefoti

@Al-qamar, B.A.Enz, Freigut, Pakeha, Terfili, Maurus Achermann (WMCH): Zur Sicherheit: Sinder alli iiverstande, wenni je es Gruppeföteli usem Museum und vorem Schiff uf Commons ufelade tue? I ha mir no urheberrächtlich Gedangge gmacht, well mer's Mobiltelifon jo Passante i'd Hand druggt händ, aber i glaub, me hat amel gseit, dass dä, wo'd Iistellige am Apparat gmacht und dr Bildusschnitt bestimmt het, als der Urheber gültet, das wär denn also doch i und d'Passante nume technische Ghilfe, keini Urheber... Gestumblindi (Diskussion) 22:03, 19. Nov. 2023 (MEZ)

Bin yverstande, klaar. Und mit em Uurheberrächt übertryb jetz nööd, gäll … LG, --Freiguet (Diskussion) 22:17, 19. Nov. 2023 (MEZ)

Iiferstande! --al-Qamar (Diskussion) 09:20, 20. Nov. 2023 (MEZ)

Isch i dr Oornig. Dankä. --B.A.Enz (Diskussion) 11:07, 20. Nov. 2023 (MEZ)

Das passt för mech, merci! --Maurus Achermann (WMCH) (Diskussion) 13:54, 20. Nov 2023 (MEZ)

Für mich au in Ornig! --Terfili (Diskussion) 11:22, 21. Nov. 2023 (MEZ)

Ja, isch guet. --Pakeha (Diskussion) 10:30, 22. Nov. 2023 (MEZ)

Dangg eu allne für eure Säge ;-) - i ha d'Foti es bitz bearbeitet und parat zum ufelade, aber bi hüt nid dehei woni si ufem Computer ha, Aafang näggscht Wuche will i's denn mache. Gestumblindi (Diskussion) 12:01, 26. Nov. 2023 (MEZ)

Sali zäme, es isch nones bitz länger gange, aber jetz hani immerhin drei Foti ufeglade: commons:Category:Alemannic meetup in Friedrichshafen 2023. @Freigut: Eis devo hani im Churzbricht iibaut, me cha's nadürli au uswäxle oder usenä, wenn's nid gfallt. Gestumblindi (Diskussion) 19:55, 6. Dez. 2023 (MEZ)

Merci! --Freiguet (Diskussion) 20:07, 6. Dez. 2023 (MEZ)

Churzbricht

Daa gits en Churzbricht – wänn na anderi öppis wänd säge: Äifach dryschrybe. Und deete dän au bisseguet d Gruppefoti publiziere, wän all yverstande sind, Gestumblindi. --Freiguet (Diskussion) 22:43, 19. Nov. 2023 (MEZ)

Liiwe Leit !

Gugget eich DIIIE Website ooo - wersh veriggt. hu:Szerkesztő:Eino81/Novellám_számiul Besser als alle sprachvergleichenden "Vaterunser"-Kompilationen, die wir im Studium je gesehen haben. Wer is jeweils firm genug, aus dem engl. Original [zu finden in der Compilation unter Titel "Myself (angol változat)"] oder der standarddeutschen Übersetzung [Ich (alemann változat)] einen lokalen/regionalen Beitrag aus den Ländles zu schreiben ? Wer kennt jemanden ? Bitte weitersagen. Ish eus von denne Jahrhundertprojeggte, iwwer die de oifach so stolperesh, wenn'd um d' Eck kommsh.

Und : wie verlinge mer des sichtbar uff die Wikipedias, speziell von de Regionalsprache? N kurze Artiggel ? Des wers wert.

Apropos Networking, vgl. hierzu au nds-nl:Overleg_gebruker:Servien/Archief4#Miezulf_(Groningen_nyelv)) Forza lingue regionali !!!! Griiisle ! MistaPPPP (Diskussion) 20:27, 15. Okt. 2023 (MESZ) de:Benutzer_Diskussion:MistaPPPP

Mundarttag am 28. Oktober 2023 in Soledurn

Liebi "Alemanne", au wenn i sälber nit stadtsolothurnische Dialäggt red (sondern sone unsuberi Mischig us u.a. Baseldytsch, Elemänt usem Schwarzbuebeland, Aargauertüütsch, scho au es bitzeli vo der Regioon Solothurn) und drum gar nit "Soledurn" schrybe mag (es wär unächt), so hani mi doch bereiterklärt, im neu gründete "Solothurner Mundartverein" mitzwirgge (dä wött sich vor allem de solothurnische Dialäggt vom Jurasüdfuess widme). Dää Mundartverein führt jetzt am 28. Oktober en Mundarttag für's Mundartforum dure, das isch der früeneri Bund Schwyzertütsch / Verein Schweizerdeutsch. Villicht interessiert das jo do die einte oder andere? ("angere" ;-) ). 's Programm und Infos zur Aamäldig git's do uf der Website vom Mundartforum. I sälber wird denn leider nit teilnää könne, well i scho andere Plään gmacht ha. Gestumblindi (Diskussion) 11:33, 16. Okt. 2023 (MESZ)

Am 28. han i eben au scho en Konkuränzaalaass … --Freiguet (Diskussion) 17:12, 16. Okt. 2023 (MESZ)

Blueme vum Monet

Achillea ptarmica, Schlettstàdt (2015)

Sali mitenander. Zum 20-jehrige Jubiläum vu dr Alemannisch Wikipedia het s Kummitee zur Vergab vu dr Internationale Blueme vum Monet bschlosse, ass im Novämber 2023 d alswiki uuszaichnet wird! LG --Holder (Diskussion) 11:46, 7. Nov. 2023 (MEZ)

Seer scheen. Hoffentlich hesch nid vergässä, am Komitee z dankä. --B.A.Enz (Diskussion) 11:50, 7. Nov. 2023 (MEZ)

Wie vill Lüüt häts dän i dèm Komittee? Nöd nu öpper? – Und dänn na e Blueme, wo s luut hoochtüütscher Wikipedia nu bis i d Hööchi vom Fäldbèrg schafft – daa wèèrded ali Alpenalemane ja ignoriert – z z z …   --Freiguet (Diskussion) 19:34, 7. Nov. 2023 (MEZ)

Also, s Kumittee, wu us ganz bsundersch uusglääsene Bluemespezialischte bstoht ;-), findet jo, ass in däm Fall d Alpenalemanne halt au mo ins Daal chenne emab chuu, luege mol do. --Holder (Diskussion) 23:00, 7. Nov. 2023 (MEZ)

Käi Uuszäichnigsstèèrndli me i de deWiki

Liebi Lüüt, i de hoochtüütsche Wikipedia wèèrded Artikel vo der alemanische Wikipedia, wo uuszäichned woorde sind, nümen as settigi gchännzäichnet. Was isch da loos? LG, --Freiguet (Diskussion) 10:11, 22. Nov. 2023 (MEZ)

Hm, ich haa do mool uf dr dewiki noogfrogt, eb deert eber ebis derzue waißt. --Holder (Diskussion) 11:05, 22. Nov. 2023 (MEZ)

Öppis usegfunde? --Freiguet (Diskussion) 19:31, 20. Dez. 2023 (MEZ)

Nai, dert het nieme Antwort gee. Wänn i mol der Zyt haa frog i no naime andersch, aber des Johr schaffi i des nimi. --Holder (Diskussion) 20:18, 20. Dez. 2023 (MEZ)

Merci vilmaal! --Freiguet (Diskussion) 20:38, 20. Dez. 2023 (MEZ)

Machine translation to Alemannic

S git mol wider e Publikation, wu di Alemannisch Wikipedia as Date-Grundlag brucht, nämli zum Thema Machine Translation from Standard German to Alemannic Dialects. --Holder (Diskussion) 17:28, 20. Dez. 2023 (MEZ)

Un do het s no ne Presäntazion derzue. --Holder (Diskussion) 17:37, 20. Dez. 2023 (MEZ)

Fìr wàs màcha? — Mathieu Kappler (Diskussion) 18:15, 20. Dez. 2023 (MEZ)

Scheni Wynächte

Di Hailig Familie in dr Kathedrale Notre-Dame z Stroßburi

Liebi Lyt, ich winsch eich allne Scheni Wynächte un e guets Neis! --Holder (Diskussion) 19:36, 21. Dez. 2023 (MEZ)

Ich wiischä iiw äbäfalls frooi Fäschttäg und firs neechscht Jaar mindeschtens das, won iär miär wiischid. --B.A.Enz (Diskussion) 22:59, 21. Dez. 2023 (MEZ)

Scheena Wiahnàchta un e guets Neis! — Mathieu Kappler (Diskussion) 00:35, 22. Dez. 2023 (MEZ)

Au vo mynere Syten allnen e schööni Wienecht! Und wän er wänd wüsse, wie mer d Wienecht vor über hundert Jaaren und na früener gfyret hät, dänn lueged in Artikel Wīh-Nacht vom Schwyzerischen Idiotikon ine, gschribe vom Eduard Hoffmann-Krayer – e villfarbigi volchskundlichi Zämestelig. --Freiguet (Diskussion) 11:22, 22. Dez. 2023 (MEZ)

A scheena Wiahnachta un àlles güeta fer s nèia Johr! --MireilleLibmann (Diskussion) 17:03, 24. Dez. 2023 (MEZ)

Abstime

Liebi Lüüt – zum Byspil al-Qamar, B.A.Enz, Fideli, Gestumblindi, Mathieu Kapler, MireillLibman, Pakeha, Schofför, zum numen e paar Aktyvi z näne (aktyv: äitwäder as Artikelschryber/i oder as Communitiy-Aktyve/i; wänn öpper wott, chan er/si daa ruig na mee Nämen uuffüere): Es wèèr schöön, es tèèted na mee Lüüt bim Wettbiwèèrb abstime. Nu drei sind echli arg wenig ... En liebe Gruez vom --Freiguet (Diskussion) 17:30, 27. Dez. 2023 (MEZ)

@Holder, Freigut, Al-qamar, B.A.Enz, Fideli, Gestumblindi, MireilleLibmann: Ìch hàà d’ bäschta-n-Àrtìkel vum Schriibwättbwarb uff’m WP:Artikel- und Listenkandidaturen vorgschlààga. Grüass — Mathieu Kappler (Diskussion) 10:43, 29. Dez. 2023 (MEZ)

Koordinate überlappe mit dr Infobox

Bi dr Lüssle isch mr ufgfalle, dass d'Koordinate obe rächts mit dr Infobox überlappe. I ha gmeint, das heig öppis mit em <span></span> z'tue, aber das isch es doch nid. Cha das ächt öpper in Ornig bringe? Gestumblindi (Diskussion) 23:29, 28. Dez. 2023 (MEZ)

I gsee grad, 's isch nid nur bi dr Lüssle so, sondern au bi andere Bäch/Flüss, öppe der Birs. I ha Vector alt as Oberflächi; bi Vector 2022 isch's Broblem zwar nid, aber i der hochdütsche Wikipedia hani au Vector alt (hani halt lieber) und döt oni das Broblem. Gestumblindi (Diskussion) 23:32, 28. Dez. 2023 (MEZ)

Ja, ’s ìsch asoo bii àlla Àrtìkel mìt Koordinààta doowa.   — Mathieu Kappler (Diskussion) 23:36, 28. Dez. 2023 (MEZ)

Wämmr ächt mol däne i dr schriftdütsche Wikipedia frooge, öb do öpper öppis mache cha, we mer bi uns dängg niemer mit em entsprächende technische Durchbligg händ? Gestumblindi (Diskussion) 21:08, 18. Apr. 2024 (MESZ)

Aso vo miir uus gèèrn! Häsch du Verbindige? --Freiguet (Diskussion) 05:46, 19. Apr. 2024 (MESZ)

+ 1. --Holder (Diskussion) 07:40, 19. Apr. 2024 (MESZ)

Bsunderi Verbindige nit grad, aber i dängg, de:Wikipedia:Technik/Werkstatt khan uns villicht witerhälfe. I froog denn mol dött. Gestumblindi (Diskussion) 19:43, 19. Apr. 2024 (MESZ)

Hanasomolgfrogt. Gestumblindi (Diskussion) 21:54, 19. Apr. 2024 (MESZ)

@Holder: Hi! Du müsstest in MediaWiki:Vector.css, Zeile 115, ändern auf: top: -7em;

Melde Dich mit Ping, wenn's klappt, oder wenn's nicht klappt. Liebe Grüße, Doc Taxon (Diskussion) 07:29, 20. Apr. 2024 (MESZ)

Hallo Doc Taxon, ich habe es umgesetzt und es funktioniert. Vielen Dank! --Holder (Diskussion) 07:40, 20. Apr. 2024 (MESZ)

Freut mich, dass ich helfen konnte. Schönes Wochenende, Doc Taxon (Diskussion) 07:50, 20. Apr. 2024 (MESZ)

Auch von mir vielen Dank an Doc Taxon und an Holder für die Umsetzung! Gestumblindi (Diskussion) 13:06, 20. Apr. 2024 (MESZ)