Verena Endtner
| Dialäkt: Undermarkgreflerisch |
D Verena Endtner (* 1973 z Bärn) isch e Schwyzer Filmmacheri, Videoschurnalischti un Kamerafrau.
Lääbe
[ändere | Quälltäxt bearbeite]Noch em Gimnasium het d Endtner zerscht vu 1992 bis 1993 an dr Uniwersitet Basel Ethnology, Chunschtgschicht un Filosofy studiert un derno vu 1993 bis 1998 Biology un Umwältwisseschafte an dr Uniwersitet Bärn. Abgschlosse het si s Studium mit eme Master fir Biology, Spezialbiet Lufthygiene. Noch ere Fotografenelehr 1997 bis 1999 (GAV) z Bärn het si 1999 an dr London International Filmschool e Foundation Course gmacht aun druf vu 1999 bis 2001 an dr Vancouver Film School z Kanada Reschy mit em Schwärpunkt Dokumäntarfilm.
As Dokumentarfilmeri het d Endtner verschideni Projäkt realisiert, unter anderem Glückspilze (2014, Nyon, Giffoni Amnesty International Award)‚ Die Frau mit den Bluthunden (Dok SRF, 2019), Von der Rolle (2020), The Goldwaever (2009), au 2007 dr Film Der Streik wird salonfähig iber dr Straik vu dr Mitarbaiter vum Chuchigrääthärsteller Zyliss vu Lyss im Seeland, wu an dr Soledurner Filmdäg zaigt woren isch.
2007 isch si Jurymitglid bim 19. Schwyzerisch Film- un Videofeschtiwält z Spiez un z Thun gsii.[1]
Zue ire Ufdraggeber zelle s Schwyzer Färnseh (SF) un internazionali Färnsehaastalte wie d BCC oder CNN. Fir dr Kultursänder ARTE schafft d Endtner as Redakteeri. Derzue isch d Verena Endtner Gschäftsfiereri un Dailhaberi vu dr Medienagäntur un Filmprodukzionsfirma Aloco GmbH, wu si 2004 mitgrindet het un wu dr Fokus uf Dokumäntarfilm im sozialbolitische Beraich het.[2]
Filmografy
[ändere | Quälltäxt bearbeite]- 2004: Auf verlorenem Posten
- 2004: Die Schweizer Textilindustrie im Wandel
- 2004: Liebes Leben – Eine Tongeschichte
- 2004: Memento an eine Veränderung
- 2005: Der Streik wird salonfähig
- 2005: Eine Mimose ist Beton gegen mich
- 2013: Glückspilze: Von der Strasse in die Manege – ein märchenhaftes Spektakel
- 2019: Die Frau mit den Bluthunden
- 2020: Von der Rolle
Uuszaichnige
[ändere | Quälltäxt bearbeite]- Best documentary, Vancouver Film School, 2002
- Official Selection: Sektion „Helvétiques“, Visions du Réel, Nyon, 2013
- Official Selection: Sektion „New Directors“, Mostra Internacional de Cinema, São Paulo, 2013
Weblink
[ändere | Quälltäxt bearbeite]- Verena Endtner in dr Internet Movie Database
- Verena Endtner bi swissfilms.ch
- d Verena Endtner bi artfilm.ch
Fueßnote
[ändere | Quälltäxt bearbeite]- ↑ Lucky Devils bi filmfreeway.com
- ↑ d Verena Endtner bi cineman.ch