Komitat

Komitat sin Verwaltigseiheite vo Ungarn und vom ehemolige Chönigrych Ungarn. Di ungarischi Übersetzig isch megye [ˈmɛɟɛ], woby bis zum Zweite Wältchrieg no de Begriff vármegye [ˈvaːrmɛɟɛ] in Gebruch isch, wo im Alemannische (sinngmäß) mit em Begriff „hisdorischs Komitat“ widdergee wird. Sälle friehner Name, wo „Schloss-Komitat“ bedütet, chunnt dodevo, dass di friehnere Komitat um Schlösser umme entstande sin. Jedes Komitat hät e Komitatssitz (uff Ungarisch megyeszékhely). S Wort „Komitat“ chunnt vom latynische comitatus und vom mittellatynische comes (säll hät diverse Adelstitel entsproche); friehner isch no s Wort „Grafschaft“ brucht worre. Bsunders noch 1867 hät mer d'Komitat au als Gspanschafte bezeichnet.

Chönigrych Ungarn

D'Komitat vom Chönigrych Ungarn sin wohrschints um s Johr 1000 umme entstande. Ab 1867 hät's 64 Komitat gee, spöter hän sich zwei Komitat zu Abaúj-Torna vereinigt. Z Kroatie und z Slowenie hät's no mol 8 Komitat gee, dezüe chunnt d'Stadt Fiume und ihr Gebiet. D'Komitat sin in Bezirk underdeilt gsi. An de Spitze vom Komitat isch de Obergspan (főispán, ispán) gstande. Ab 1867 hät d'Regierig sälli Position vergee, zum Deil hät mer si aber au gerbt.

Hüttigs Ungarn

Hütt bstoht Ungarn uss 19 Komitat mit je me Komitatssitz und de Hauptstadt Budapest. Di meiste andere größere Städt hän au s Komitatsrächt, werre aber me Komitat züegrächnet. D'Komitat sin in Chleigebiet underdeilt.

Hüttigs Kroatie

Kroatie isch in 20 Gspanschafte und d'Hauptstadt Zagreb underdeilt, wo sälber de Gspanschafte-Status hät.

Lüeg au

Dä Artikel basiert uff ere fräie Übersetzig vum Artikel „Komitat“ vu de dütsche Wikipedia. E Liste vu de Autore un Versione isch do z finde.