Walter Gropius

Dr Walter Adolf Georg Gropius (* 18. Mai 1883 z Berlin; † 5. Juli 1969 z Boston, Massachusetts) isch e dütsche, seyt 1944 US-amerikanische Architekt und dr Gründer vom Bauhuus gsi. Näben em Ludwig Mies van der Rohe und em Le Corbusier gältet er as Mitbegründer vo dr modärne Architektur.

Dr Walter Gropius 1919

1907 het er im Büro vom Peter Behrens afo schaffe, wo au anderi Archdekte wo spöter berüehmt worde si wie dr Ludwig Mies van der Rohe und dr Le Corbusier gschafft hai. Noch drei Johr het er sich 1910 as Industriedesigner und Architekt sälbständig gmacht. 1914 het er z Köln für d Usstellig vom Dütsche Wärkbund mit em Adolf Meyer zsämme e Musterfabrik baut. Noch em Wältchrieg het er 1919 z Weimar s Bauhuus gründet, spöter s Bauhuus Dessau. 1928 het er em Schwiizer Urbanist Hannes Meyer d Leitig übergeh, wo aber scho 1930 us politische Gründ entloo worden isch. D Nationalsozialiste hai im Bauhuus e «Chille vom Marxismus» gseh und dr Gropius persönlig aagriffe.

1934 isch er uf Ängland und 1937 in d USA emigriert. Dört isch er z Cambridge Profässer für Architektur an dr „Graduate School of Design“ vo dr Harvard University dätig gsi. 1946 het dr Gropius d Vereinigung vo junge Architekte The Architects Collaborative, Inc. (TAC) gründet, wo für ihn au e Manifest für si Glaube an d Bedütig vo dr Gruppenarbet worden isch. E Wärk vo däm Team isch s Graduate Center vo dr Harvard University z Cambridge (1949/1950). In siine letzte Läbensjohr het dr Gropius wider hüfig z Berlin gschafft, won er under anderem 1957 im Rahme vo dr Interbau e nüünstöckige Wohnblock im Hansaviertel baut het. Die konkavi Südfront und s offene Parterre vo däm Gebäud gälte as typischs Bischbil vo dr sogenannte spoote Modärne.

• 
  Meisterhüüser z Dessau
• 
  S Bauhuus-Gebäud z Dessau
• 
  E Modäll vom Arbetszimmer vom Walter Gropius im Bauhuus Dessau
• 
  Ziilebau im Berliner Hansaviertel vom Walter Gropius
• 
  „Dänkmol für die, wo im Merz gfalle si“ z Weimar (1922)
• 
  S stedtische Arbetsamt Dessau
• 
  D Gropiusstadt im Berliner Bezirk Neukölln
• 
  S Stichweh - Wohnhuus z Hannover
• 
  PanAm-Gebäud (hüte MetLife) z New York

Schrifte (Uuswahl)

• Idee und Aufbau des staatlichen Bauhauses, Weimar, München: Bauhaus Verlag, 1923, 12 S.
• Internationale Architektur, München: A. Langen, 1925, 106 S. (=Bauhausbücher 1), Neuausgabe: Berlin: Gebrüder Mann, 1981, ISBN 3-7861-1477-3
• Ausgewählte Schriften, Berlin: Ernst, Verl. für Architektur und techn. Wiss., 1988

Literatur

• Reginald R. Isaacs: Walter Gropius. Der Mensch und sein Werk. Gebrüder Mann, Berlin 1983, auch als Taschenbuch bei Ullstein erschienen.
• Horst Claussen: Walter Gropius. Grundzüge seines Denkens. Olms, Hildesheim [u. a.] 1986.
• Ulrich Müller: Raum, Bewegung und Zeit im Werk von Walter Gropius und Ludwig Mies van der Rohe. Akademie-Verlag, Berlin 2004.
• Nicholas Fox Weber: The Bauhaus group: six masters of modernism. Knopf, New York 2009, ISBN 0-307-26836-5.

Weblinks

 Commons: Walter Gropius – Sammlig vo Multimediadateie

• Walter Gropius. In: archINFORM.
• Tabellarischer Läbenslauf vo Walter Gropius im LeMO (Deutsches Historisches Museum un Haus der Geschichte)