D Gsetz vom Kepler

Die drei Gsetz vom Kepler si noch em Astronom und Naturfilosof Johannes Kepler benennt. Er het die fundamentale Gsetzmäässigkäite für d Umlaufbaane vo de Blaneete um d Sunne gfunde, won er si in Bezug brocht het zun ere gsuechte Harmonik und d Abwiichige vom Mars von ere Kräisbaan mathematisch analüsiert het. D Setz beschriibe d Beweegig vo ideale Himmelskörper.

Grafischi Zämmefassig vo de drei Keplergsetz:
1. Zwäi ellipseförmigi Umlaufbaane, Brennpünkt F₁ und F₂ für e Blaneet 1, F₁ und F₃ für e Blaneet 2. D Sunne (sun) in F₁.
2. Die bäiden graue Abschnitt A1 und A2, wo in dr gliiche Zit überstriche wärde, häi die gliichi Flechi.
3. Groossi Halbaggse a₁ und a₂. D Umlaufzite vo de Blaneete 1 und 2 verhalte sich wie a₁^3/2 : a₂^3/2.

1. Kepler-Gsetz: D Blaneete beweege sich uf elliptische Baane, und d Sunne stoot in äim vo de Brennpünkt.
2. Kepler-Gsetz: E „Faarstraal“, wo vo dr Sunne zum Blaneet zooge wird, striicht in gliiche lange Zite über gliich groossi Flechene.
3. Kepler-Gsetz: D Kwadrat vo de Umlaufzite vo zwäi Blaneete verhalte sich wie die dritte Potänze (Kub) vo de groosse Baanhalbaggse.

D Bedingige für die drei Kepler-Gsetze si underschiidlig. S zwäite Gsetz gältet für alli Zentralchreft und die müesse nit emol konservativ si, s dritte Gsetz hingeege gältet für alli $1/r^{2}$ -Chreft. Abwiichige vom erste Gsetz gseet mä aber scho in unserem Sunnesüsteem: Komete beweege sich hüfig uf parabeläanlige Baane, d Aggse vo dr Merkurbaan dräit sich wäge de Iiflüss vo de andere Blaneete langsam um d Sunne.

Litratuur

Johannes Kepler: Astronomia nova aitiologetos seu Physica coelestis. In: Max Caspar (Hrsg.): Gesammelte Werke. Band 3. C. H. Beck, München 1938.
Johannes Kepler: Harmonices Mundi libri V. In: Max Caspar (Hrsg.): Gesammelte Werke. Band 6. C. H. Beck, München 1940/1990, ISBN 3-406-01648-0.
Andreas Guthmann: Einführung in die Himmelsmechanik und Ephemeridenrechnung. BI-Wiss.-Verlag, Mannheim 1994, ISBN 3-411-17051-4.

Weblingg

Commons: Keplersche Gesetze – Sammlig vo Multimediadateie

Walter Fendt: Erstes Keplersches Gesetz, Zweites Keplersches Gesetz (Java-Applets)
Keplersche Gesetze (LEIFI)
Joachim Hoffmüller: Zweites Keplersches Gesetz (Flächensatz): Beweis mit dynamischen Arbeitsblättern selbst nachvollziehen Geometrisch-anschaulicher Beweis nach Newton, ohne höhere Mathematik (Java-Applet)

Dä Artikel basiert uff ere fräie Übersetzig vum Artikel „Keplersche_Gesetze“ vu de dütsche Wikipedia. E Liste vu de Autore un Versione isch do z finde.