Achilles Bischoff

Dr Achilles Bischoff (* 24. Januar 1795 z Baasel; † 29. April 1867 z Baasel) isch e Schwizer Politiker gsi.

Biografii

Dr Achilles Bischoff isch dr Soon vom ene Kaufmaa gsi. Er isch z Baasel uf d Schuel und het am ene Instidut z Nöieburg gleert. Vo 1815 bis 1840 isch er Duechfabrikant z Livorno, Bergamo und Como gsi. Vo 1840 bis 1843 isch er Partner vo dr Rhiischifffaartsgsellschaft „Adler des Oberrheins“ gsi. 1843 het er mitghulfe d Gesellschaft der Giro- und Depositenbank (vo 1845 aa Gesellschaft der Giro- und Depositenbank in Basel) z gründe und isch vo 1845 bis 1848 deren iire Vizebresidänt gsi.

Politisch isch dr Bischoff im sogenannte „Juste-Milieu“ gstande zwüsche de Konservative und de Freisinnige. Vo 1840 bis 1850 isch er Mitgliid vom Groosse und vo 1847 bis 1850 au vom Chläine Root gsi. 1848 het er bi de erste Schwizer Parlamäntswaale kandidiert und het dr Kanton Basel-Stadt bis 1852 im Nazionalroot verdräte und sich dört vor allem in vercheers- und handelspolitische Frooge angaschiert. Dank em Bischoff het Baasel mee und mee die liberal-radikali Politik übernoo, wo im Bund vorgherrscht het.

Im Dezämber 1852 het dr Bischoff e Schleegli gha und isch vo alle sine Ämter zrugdrätte.

Litratuur

Niklaus Landolt: Bischoff, Achilles. In: Historisches Lexikon vo dr Schwiiz.
Eduard His: Achilles Bischoff, in: Basler Handelsherren des 19. Jahrhunderts, Benno Schwabe & Co. Verlag, Baasel 1929, S. 70-81.

Dä Artikel basiert uff ere fräie Übersetzig vum Artikel „Achilles_Bischoff“ vu de dütsche Wikipedia. E Liste vu de Autore un Versione isch do z finde.