Sibusiso Bengu

Sibusiso Bengu
Bengu in 2007.
Ambassadeur in Duitsland
Ampstermyn 1999 – 2003
President	Thabo Mbeki
Minister van Onderwys
Ampstermyn 1994 – 1999
President	Nelson Mandela
Persoonlike besonderhede
Gebore	8 Mei 1934 (1934-05-08)
Politieke party	African National Congress

Sibusiso Mandlenkosi Emmanuel Bengu (gebore 8 Mei 1934) is 'n afgetrede Suid-Afrikaanse politikus en voormalige Minister van Onderwys.

Bengu is gebore in Kranskop, Natal en word in 1952 'n onderwyser. Sibusiso het in 1969 die Hoërskool Dlangezwa naby Empangeni gestig en was tot 1976 skoolhoof. Hy het in 1974 'n PhD in politieke wetenskappe aan die Graduate Institute of International Studies in Genève voltooi en in 1977 word hy aangestel as professor aan die Universiteit van Zoeloeland. Hy het as sekretaris-generaal van die Inkatha-Vryheidsparty gedien, maar het weens verskille met Mangosuthu Buthelezi gebots.

Bengu verlaat Suid-Afrika in 1978 en dien as sekretaris vir navorsing en maatskaplike optrede vir die Lutheran World Foundation. Terwyl hy in die buiteland is, ontmoet hy Oliver Tambo, destyds waarnemende president van die African National Congress. Hy keer in 1991 terug om die eerste swart visekanselier van 'n Suid-Afrikaanse universiteit, die Universiteit van Fort Hare, te word. Bengu word in 1994 aangestel as Minister van Onderwys en dien in die pos totdat hy in Duitsland ontplooi is as Suid-Afrikaanse ambassadeur in 1999.

Hy is getroud met Funeka en het vier dogters en 'n seun.