Serzj Sarkisian

	Serzj Sarkisian; Սերժ Սարգսյան
	; Official portrait
	11de en 15de Eerste minister van Armenië
	Ampstermyn; 17 April 2018 – 23 April 2018
President	Armen Sarkissian
Voorafgegaan deur	Karen Karapetyan (waarnemend)
Opgevolg deur	Karen Karapetyan (waarnemend)
	Ampstermyn; 4 April 2007 – 9 April 2008
President	Robert Kocharian
Voorafgegaan deur	Andranik Margarian
Opgevolg deur	Tigran Sarkisian
3de President van Armenië
	Ampstermyn; 9 April 2008 – 9 April 2018
Eerste minister	Tigran Sargsian; Hovik Abrahamian; Karen Karapetian
Voorafgegaan deur	Robert Kotsjarian
Opgevolg deur	Armen Sarkissian
Minister van Verdediging
	Ampstermyn; 20 Mei 2000 – 26 Maart 2007
Eerste minister	Andranik Margarian
Voorafgegaan deur	Vagharsjak Harutiunian
Opgevolg deur	Mikael Harutyunian
	Ampstermyn; 21 Augustus 1993 – 17 Mei 1995
Eerste minister	Hrant Bagratian
Voorafgegaan deur	Vazgen Manukian
Opgevolg deur	Vazgen Sargsian
Minister van Binnelandse Sake en Nasionale Veiligheid
	Ampstermyn; 4 November 1996 – 11 Junie 1999
Eerste minister	Armen Sargsian; Robert Kocharian; Armen Darbinian
Voorafgegaan deur	Vano Siradeghian
Opgevolg deur	Suren Abrahamian
Persoonlike besonderhede
Gebore	30 Junie 1954 (70 jaar oud) ; Stepanakert, Azerbeidjanse SSR, Sowjetunie
Politieke party	Kommunistiese Party (tot 1990); Republikeinse Party (sedert 1990)
Eggenoot/-note	Rita Sarkisian (1983–hede)
Kind(ers)	Anush; Satenik
Alma mater	Staatsuniversiteit van Jerewan
Religie	Armeens-Apostoliese Kerk
Handtekening

Serzj Asati Sarkisian (Armeens: Սերժ Ազատի Սարգսյան, Serzj Asati Sargsjan, wetenskaplike transliterasie Serž Azati Sargsyan; * 30 Junie 1954 in Stepanakert, Nagorno-Karabach, Azerbeidjanse SSR) is 'n Armeense politikus en voormalige premier asook president van dié land.

Loopbaan

Die huidige president Serzj Sarkisian tydens 'n besoek aan Duitsland in 2009

Serzj Sarkisian het sy akademiese opleiding tussen 1970 en 1979 in die Fakulteit Filosofie van die Staatsuniversiteit van Jerewan ontvang, met 'n onderbreking tussen 1972 en 1974 waartydens hy sy diensplig voltooi het. Hy was daarna as funksionaris van die Kommunistiese Party van die Sowjetunie en die jeugorganisasie Komsomol in sy geboortestad Stepanakert en in Nagorno-Karabach werksaam.

Sarkisian was aktief betrokke by die politieke beweging wat vir die onafhanklikheidswording van Nagorno-Karabach van die Azerbeidjanse SSR geveg het en het tussen 1989 en 1993 as leier van die Republiek Artsach se selfverdedigingsmagte gefungeer. Tussen 1990 en 1993 was hy afgevaardigde in die Armeense parlement. In 1993 het Sarkisian sy ministersloopbaan begin en die poste van minister van verdediging (1993-2007) en eerste minister (Maart 2007 tot April 2008) beklee. In Februarie 2008 is hy as opvolger van staatspresident Robert Kotsjarian verkies.

Alhoewel internasionale waarnemers met die verkiesing tevrede was, het die kandidaat Lewon Ter-Petrosian kiesers ná die bekendmaking van die eindresultaat die verkiesing as vervals verklaar en sy ondersteuners opgeroep om betogings te hou. Op 1 Maart 2008 is 'n massabetoging in Jerewan met geweld beëindig.

Op 9 April 2008 het Sarkisian die ampseed as staatspresident van die Republiek Armenië afgelê. Hy het die amp tot 9 April 2018 beklee en is opgevolg deur Armen Sarkissian. Armen Sarkissian het hom as premier van Armenië benoem en hy het die amp op 17 April 2018 aangetree. Op 23 April 2018 moes hy bedank nadat grootskaalse protesoptogte in Jerewan en ander stede begin het.

Privaat lewe

Serzj Sarkisian is getroud met Rita Aleksandri Sarkisian (* 6 Maart 1962). Uit die huwelik is twee kinders gebore, waaronder die dogter Satenik (* 17 Augustus 1986).

Sedert 2004 beklee Sarkisian die amp van president van die Armeense Skaakvereniging.

Eksterne skakels

Wikimedia Commons het meer media in die kategorie Serzj Sarkisian.