Runderivier
| Runderivier | |
|---|---|
 | |
| Oorsprong | naby Gweru, Chironde-bergreeks (Zimbabwe) |
| Monding | Chivirira-waterval, Mosambiek Saverivier |
| Stroomgebied | Zimbabwe, Mosambiek |
| Lengte | 418 km |
| Oorspronghoogte | 1 240 m |
| Mondinghoogte | 165 m |
| Stroomgebiedopp. | 41 000 km² |
Die Runderivier (voorheen bekend as die Lundirivier) dreineer die suidoostelike deel van Zimbabwe.
Roete
[wysig | wysig bron]Die rivier ontspring net suid van Gweru aan die suidelike kant van die Chironde-bergreeks in die Middellande op 'n hoogte van 'n 1460 m bo seespieël. Daarna vloei dit suidoos deur die streke rondom Shurugwi en Zvishavane en nadat dit 'n 1200 m aan hoogte verloor het, sluit dit net voor die grens met Mosambiek by die Saverivier aan.
Sytakke
[wysig | wysig bron]Die Runderivier met sy wye netwerk van sytakke het 'n opvangsgebied van 41400 km². Sy grootste sytakke is die Ngezirivier, Mutirikwerivier en die Chiredzirivier en daar is verskeie damme en mere. Suidwes van Shurugwi is die Gwenorodam wat water verskaf aan Gweru. Wes van Masvingo is die Mushandike-dam in die Mushandikerivier. Net noord van die Morgenster-sendingstasie en die Zimbabwe-ruïnes (Groot-Zimbabwe) en by die samevloeiing van die Umshagashirivier en die Mtilikwerivier (net suidoos van Masvingo) is die Mutirikwedam (Lake Kyle). Verder stroomaf in die Mtilikwerivier is by Renco die Bangaladam. Die MacDougalmeer is in die Chiredzirivier. In die laer loop van die Runderivier is die Chipinda-poele, die Chiviriga-waterval en die Chitove-waterval.
Normdata  |
|
|---|