Reina Prinsen Geerligs-prys
| Reina Prinsen Geerligs-prys
| ||
| ||
| Uitreiking van die Reina Prinsen Geerligs-prys deur J.P. Prinsen Geerlig aan Ellen Warmond en Remco Campert in 1953 | ||
| Toegeken vir | jong letterkundiges van 20 tot 25 jaar | |
| Land |  Nederland
| |
| Eerste toekenning | 1946–1979 | |
Die Reina Prinsen Geerligs-prys was 'n literêre prys wat jaarliks toegeken is. Die prys is in 1946 deur die skrywer Reina Prinsen Geerligs (1922–1943) se ouers ingestel. Geerligs het in die Tweede Wêreldoorlog omgekom en haar ouers wou hul herinnering aan haar op die manier gedenk. Die prys is aan jong letterkundiges van 20 tot 25 jaar uitgereik. Dit is vir die laaste keer in 1979 toegeken.
Die prys is aan verskeie Nederlandse skrywers toegeken, onder andere aan: Harry Mulisch, Gerard Reve, J. Bernlef, Remco Campert en Leon de Winter. Verskeie Afrikaanse skrywers is ook met die prys vereer, insluitende: Antjie Krog, Breyten Breytenbach, André P. Brink en Ina Rousseau.
Lys van wenners
[wysig | wysig bron]Nederlandse skrywers
[wysig | wysig bron]- 1979 – Leon de Winter vir De (ver)wording van de jongere Dürer
- 1978 – nie uitgeskryf nie
- 1977 – nie toegeken nie
- 1976 – Jotie T'Hooft vir Junkieverdriet
- 1976 – Oek de Jong vir De handen van Moeskops
- 1975 – nie toegeken nie
- 1974 – nie toegeken nie
- 1973 – Frans Kusters vir Jouw goedheid
- 1972 – Willem Jan Otten vir Een zwaluw vol zaagsel
- 1971 – nie toegeken nie
- 1970 – Arie van den Berg vir Mijn broertje kende nog geen kroos
- 1969 – nie toegeken nie
- 1968 – Hans Vlek vir Een warm hemd vir de Winter
- 1967 – Eddy van Vliet vir Duel
- 1966 – nie uitgeskryf nie
- 1965 – Henk van Kerkwijk vir Geweer met terugslag
- 1964 – Kees Holierhoek vir Slow -quick -quick -slow
- 1963 – nie toegeken nie
- 1962 – Steven Membrecht vir Het einde komt vanzelf
- 1961 – Peter van Gestel vir Vier verhalen
- 1960 – A.P. van Hoek vir Duitsland nu
- 1959 – J. Bernlef vir Kokkels
- 1958 – nie toegeken nie
- 1957 – nie toegeken nie
- 1956 – Winny Pendèl vir Ik ga weg tot ziens
- 1955 – W.G. Klooster vir Zonder het genadige einde
- 1954 – Henk (Romijn) Meijer vir Consternatie
- 1953 – Remco Campert vir Berchtesgaden
- 1953 – Ellen Warmond vir Proeftuin
- 1952 – Kees Stempels vir De glazen bol
- 1951 – Harry Mulisch vir archibald strohalm
- 1950 – Jan Blokker vir Séjour
- 1949 – Willem Wittkampf vir Het kanon
- 1948 – Mies Bouhuys vir Ariadne op Naxos
- 1947 – Gerard Kornelis van het Reve vir De avonden
Afrikaanse skrywers
[wysig | wysig bron]
Naas die Reina Prinsen Geerligs-prys vir Nederlandse literatuur is die prys ook 'n paar keer aan Suid-Afrikaanse skrywers uitgereik:
- 1976 – Antjie Krog
- 1971 – Fanie Olivier
- 1968 – Breyten Breytenbach vir Die huis van die dowe
- 1965 – André P. Brink vir Lobola vir die lewe & Die ambassadeur
- 1962 – Abraham H. de Vries vir Hoog teen die heuningkrans & Verlore Erwe & Vetkers en neonlig
- 1956 – Peter Blum vir Steenbok tot Poolsee
- 1953 – Ina Rousseau