Regionalliga
| Regionalliga | |
| 2020–21 | |
| Sportsoort | Sokker |
|---|---|
| Gestig | 4 Augustus 1963 |
| Eienaar | Duitse sokkerbond |
| Inwydingseisoen | 1963–64 |
| Deelnemende lande |  Duitsland
|
| Aantal spanne | 91 |
| Verwante kompetisies | 3. Liga Oberliga |
Die Regionalliga is tans die 4de hoogste vlak van sokker in Duitsland se sokkerstruktuur. Daar is op die oomblik (status 8 April 2007) twee Regionalligas (Noord en Suid) wat op 'n geografiese wyse geskei is.
Geskiedenis
[wysig | wysig bron]Met die oprigting van die Bundesliga in 1963 is vyf Regionalligas opgerig as 'n tweede vlak. Die Oberligas het dus toe die derde vlak geword. In 1974 is die 2. Bundesliga opgerig en die Regionalligas het weer verdwyn, terwyl die Oberligas weer die derde vlak geword het.
In 1994 is die Regionalligas opnuut opgerig, maar met vier strome. Die heroprigting was deel van die oplossing van die DFB om die voormalige Oos-Duitse spanne te akkommodeer na die Duitse hereniging. Die Oberliga was dus nou weer die 4de vlak in die sokkerstruktuur. In 2000 is die 4 strome weer verminder na 2, die Regionalliga Noord en die Regionalliga Suid.
Lisensiëring
[wysig | wysig bron]Enige klub wat in die Regionalliga wil meeding, moet eers vir 'n Regionalliga-lisensie aansoek doen en kwalifiseer. Die DFB hanteer die lisensiëringsproses.
Daar is drie aspekte waaraan voldoen moet word om te kwalifiseer:
- Die klub moet finansieel gesond wees.
- Die klub se stadion moet aan sekere veiligheidstandaarde voldoen.
- Die klub moet 'n funksionele jeugafdeling hê.
'n Klub wat bankrot word, se lisensie word onmiddellik teruggetrek, selfs al is die seisoen nog nie verby nie.
Modus
[wysig | wysig bron]Die wenner van elk van die Regionalligas, asook die span wat tweede eindig in elke stroom, kry promosie na die 2. Bundesliga. Dit geld nie vir die sogenaamde “amateur”-spanne van klubs wat in die Bundesliga of 2. Bundesliga meeding nie – hierdie spanne kan nie hoër as die Regionalliga vorder nie. Indien 'n “amateurspan” van 'n klub in een van die hoër ligas eerste of tweede eindig, sal die volgende span op die punteleer vir promosie in aanmerking kom. 'n Span wat wil promoveer moet ook natuurlik eers vir 'n 2. Bundesliga-lisensie aansoek doen en daarvoor kwalifiseer.
Die vier onderste spanne in die 2. Bundesliga word jaarliks na een van die twee Regionalligas gerelegeer. Die wenner van elk van die nege Oberligas kry verder promosie na een van die twee Regionalligas. Om vir hierdie jaarlikse toevloei van spanne voorsiening te maak, word die onderste vier of vyf spanne op die punteleer jaarliks na die betrokke Oberliga gerelegeer.
Die standaard-aantal spanne in elke Regionalliga-stroom is 18, maar aangesien die toevloei uit die 2. Bundesliga nie noodwendig elke jaar geografies gelyk is nie, kan die aantal spanne in 'n stroom tot so veel as 20 in 'n seisoen wees. In so 'n geval sal die aantal relegasies uit daardie stroom aan die einde van die seisoen verhoog word.
Klubs word ook gerelegeer indien hulle Regionalliga-lisensies teruggetrek word, of hulle nie daarvoor aansoek doen nie.
Toekoms
[wysig | wysig bron]Vanaf die 2008/09-seisoen sal 'n nuwe professionele liga, die 3. Bundesliga, in werking tree. Die Regionalligas sal dan die vierde vlak word en die Oberligas die 5de vlak. Die Regionalliga sal vanaf hierdie seisoen uit drie geografiese strome bestaan in plaas van die huidige twee.
Die spanne wat in die drie stapels opgeneem word vir die 2008/09-seisoen sal as volg saamgestel word:
- 9 spanne uit die Regionalliga Noord
- 8 spanne uit die Regionalliga Suid
- 5 spanne uit die Oberliga Noord plus die wenner van die uitspeelwedstryde tussen die span wat 6de eindig in die Oberliga Noord en die wenners van die Oberliga Noord se voeder-verbandsligas
- 6 spanne uit die Oberliga Noordoos-Noord en Oberliga Noordoos-Suid
- 1 addisionele span uit die Oberliga Noordoos-Noord en Oberliga Noordoos-Suid (indien nodig)
- 4 spanne uit die Oberliga Hessen
- 4 spanne uit die Oberliga Noord-Ryn
- 4 spanne uit die Oberliga Wesfale
- 4 spanne uit die Oberliga Baden-Württemberg
- 4 spanne uit die Oberliga Suidwes
- 4 spanne uit die Oberliga Beiere
Verder sal die lisensievereistes insluit dat die klubs oor 'n tuisveld wat ten minste 5 000 toeskouers kan akkommodeer, beskik.[1]
Verwysings
[wysig | wysig bron]Eksterne skakels
[wysig | wysig bron]- Die geskiedenis van die Regionalliga Geargiveer 28 Januarie 2007 op Wayback Machine
| Regionalliga Noord 2010/11-seisoen | |
|
Hertha BSC Berlyn II, Türkiyemspor Berlyn, Eintracht Brunswyk II, Chemnitzer FC, FC Energie Cottbus II, Hallescher FC, Hamburger SV II, Hannover 96 II, TSV Havelse, Holstein Kiel, RB Leipzig, VfB Lübeck, | |