Postmasburg

Postmasburg
Dorp
Postmasburg  Postmasburg se ligging in Noord-Kaap
Koördinate: 28°19′0″S 23°04′0″O
Land	Suid-Afrika
Provinsie	Noord-Kaap
Distrik	ZF Mgcawu
Munisipaliteit	Tsantsabane
Stigting	1892
Regering
• Tipe	Plaaslike Munisipaliteit
Oppervlak
• Totaal	158,41 km2 (61,16 vk. myl)
Bevolking  (2011)
• Totaal	30 089
• Digtheid	190/km2 (500/vk. myl)
Rasverdeling (2011)
• Wit mense	7.4%
• Indiërs/Asiërs	0.5%
• Bruin mense	36.8%
• Swart mense	54.6%
• Ander	0.7%
Taal (2011)
• Afrikaans	53.9%
• Tswana	33.6%
• Xhosa	2.7%
• Sotho	2.6%
• Ander	7.2%
Poskode (strate)	8420
Poskode (posbusse)	8420
Skakelkode	053

Postmasburg is 'n dorp in die Kalahariwoestyn van die provinsie Noord-Kaap (Suid-Afrika), wat veral as 'n sentrum van hematiet ystererts-, mangaan- en diamantmynbou bekend staan. Histories was asbes en kieselgoer ook in die omgewing gemyn. Die Gatkoppiesmyn sowat vyf kilometer noord van Postmasburg is 'n belangrike argeologiese terrein. Opgrawings, wat hier gedoen is, het die bewys gelewer dat die Khoisan reeds omtrent die jaar 700 hier met mynbou besig was. Hulle het 'n rooi stof wat van die ystererts afkomstig was, genaamd blinkklip, gebruik om hul velle en gesigte te kleur. Blinkklip is spekulariet wat bestaan uit plaatagtige kristalle van hematiet wat 'n glans skynsel het.

Die SA Leër se gevegsopleidingsgebied, Lohatlha, is 30 km noord van die dorp geleë.

Geskiedenis

Die Gereformeerde kerk Postmasburg.

Die dorp is in 1892 gestig en genoem na prof. Dirk Postma, die eerste predikant van die Gereformeerde Kerke in Suid-Afrika en die stigter van die GKSA se Teologiese Skool Burgersdorp, die voorloper van die Potchefstroomse Universiteit vir Christelike Hoër Onderwys (tans Noordwes-Universiteit). Die spoorlyn vanaf Kimberley het die dorp in 1930 bereik.

Omgewing

70 km suid van Postmasburg is die Witsand Natuurreservaat, wat oor die mooiste woestynsandduine beskik. Brulsand is 'n natuurwonder wat veral in die droë somermaande 'n brulgeluid maak as jy daarop loop by die hoë duine.

Sien ook

• Gereformeerde kerk Postmasburg
• NG gemeente Postmasburg
• Lys van dorpe in Suid-Afrika

Bronne

• Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.
• Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.