Jeffreysbaai
Jeffreysbaai (en) Jeffreys Bay | |
|---|---|
| Byname: J-Bay | |
  Jeffreysbaai Jeffreysbaai se ligging in Oos-Kaap | |
| Koördinate: 34°02′S 24°55′O / 34.033°S 24.917°O | |
| Land |  Suid-Afrika |
| Provinsie | Oos-Kaap |
| Distrik | Cacadu |
| Munisipaliteit | Kouga |
| Stigting | 1849 |
| Oppervlak | |
| • Totaal | 20,79 km2 (8,03 vk. myl) |
| Bevolking (2011)[1] | |
| • Totaal | 27 107 |
| • Digtheid | 1 304/km2 (3 380/vk. myl) |
| Rasverdeling (2011) | |
| • Wit mense | 38.9% |
| • Indiërs/Asiërs | 0.2% |
| • Bruin mense | 22.7% |
| • Swart mense | 37.5% |
| • Ander | 0.7% |
| Taal (2011) | |
| • Afrikaans | 54.4% |
| • Xhosa | 28.8% |
| • Engels | 11.8% |
| • Ander | 5.0% |
| Poskode (strate) | 6330 |
| Poskode (posbusse) | 6330 |
| Skakelkode | 042 |
Jeffreysbaai (Engels: Jeffreys Bay of J-Bay) is 'n vakansiedorp in die suidwestelike Oos-Kaap, Suid-Afrika wat bekendheid verwerf het as die land se gunstelingplek vir branderplankry waar ook internasionale wedstryde soos die Billabong Pro Surf Festival gehou word. Die Billabong-wedstryd is in 2013 vervang deur die JBay Open of Surfing as deel van die JB Winter Fest waarin musiek en sport sentraal staan. Na regs brekende Super tube-golwe in Jeffreysbaai kan hoogtes van drie en lengtes van 800 meter bereik.
Jeffreysbaai is 20 km oos van Humansdorp en 50 km wes van Port Elizabeth geleë en val onder beheer van die Kouga Plaaslike Munisipaliteit.
Geskiedenis
[wysig | wysig bron]Die dorp het ontstaan as 'n hawe en handelspos deur 'n walvisjagter, J.A. Jeffrey in 1849. Die Portugese ontdekkingsreisiger Manuel Perestrelo het in 1575 reeds hier geland. Gedurende die 1960's en 1970's het Jeffreysbaai 'n gunstelingplek vir aanhangers van die hippie-leefstyl geword.[2]
Omgewing
[wysig | wysig bron]Jeffreysbaai is internasionaal bekend vir branderplankryery, met betroubare golwe in die wintermaande tussen Mei en September wanneer sterk westewinde, die sogenaamde Roaring Forties, waai. Internasionale kompetisies word gereeld hier gehou. Die baai is ook bekend vir sy skulpies. Die eenvertrek-Charlotte Kritzinger-skulpmuseum is hier gevestig, en met 600 soorte mossels uit alle oseane beskik dit oor een van die beste versamelings ter wêreld.[3] Dolfynstrand is as 'n blouvlagstrand gesertifiseer.
Galery
[wysig | wysig bron]-
Strandtoneel -
Kersfeesversierings -
'n Super tube
Sien ook
[wysig | wysig bron]Verwysings
[wysig | wysig bron]- ↑ 1,0 1,1 1,2 1,3 "Hoofplek Jeffreysbaai". Sensus 2011.
- ↑ southafrica.net: Jeffreys Bay. Besoek op 25 Junie 2020
- ↑ Marion Boddy-Evans: 1001 Moet-sien-plekke. Kaapstad: Struik 2006, bl.243
- Basisliteratuur
Eksterne skakels
[wysig | wysig bron]- Toerisme
