Norman Osborn
| Norman Osborn | |
| |
'n Cosplayer as Norman Osborn.
| |
| Skepping | |
|---|---|
| Eerste verskyning | As Green Goblin: The Amazing Spider-Man #14 (Julie 1964) As Norman Osborn: The Amazing Spider-Man #37 (Junie 1966) |
| Geskep deur | Marvel Comics Stan Lee en Steve Ditko |
| Inligting | |
| Ander name | Norman Virgil Osborn |
| Byname | Oscorp H.A.M.M.E.R. Cabal |
| Alter ego | Green Goblin |
| Spesie | Menslike mutant |
| Geslag | Manlik |
| Beroep | Sakemagnaat |
| Kinders | Harry Osborn |
Norman Osborn, oftewel die Green Goblin, is 'n karakter in Amerikaanse strokiesverhale van Marvel Comics. Die karakter is deur Stan Lee en Steve Ditko geskep en het die eerste keer verskyn in The Amazing Spider-Man #14 (Julie 1964). Hy is een van Spider-Man se grootste vyande,[1] saam met Doctor Octopus en Venom.
Osborn word uitgebeeld as 'n amorele sakemagnaat en die hoof van die wetenskapkomglomeraat Oscorp. Hy is ook die vader van Harry Osborn, die beste vriend van Spider-Man se alter ego, Peter Parker. Osborn, deels uit reaksie op sy vrou se dood, het 'n koue houding en 'n obsessie om soveel mag as moontlik bymekaar te maak. Hy behandel ook sy seun koud en verkies Peter danksy sy intellek. Dit lei daartoe dat Harry dikwels daarvoor probeer vergoed.
In die oorspronklike storie word Norman blootgestel aan 'n eksperimentele formule wat sy fisieke vermoëns en intellek verhoog, maar hom ook tot waansin dryf.[2] As die Goblin dra hy 'n kostuum met 'n Halloween-tema: 'n aardgees wat in 'n "Goblin Glider", met die voorkoms van 'n vlermuis, ry en 'n arsenaal hoëtegnologiewapens gebruik, soos handgranaatagtige "Pumpkin Bombs", om New York mee te terroriseer.
Osborn was al deel van baie Spider-Man-stories, veral "The Night Gwen Stacy Died" en die "Clone Saga". Hoewel Spider-Man sy grootste vyand is, het hy ook al te staan gekom teen Iron Man, Captain America en ander superhelde in die Marvel Universe. Hy werk soms saam met ander superskurke soos Doctor Doom en Loki en groepe soos die Sinister Six en die Dark Avengers, maar dit duur gewoonlik nie lank nie weens sy behoefte na algehele mag.
Verwysings
[wysig | wysig bron]- ↑ Manning, Matthew K.; Gilbert, Laura (2012). "1960s". Spider-Man Chronicle Celebrating 50 Years of Web-Slinging. Dorling Kindersley. p. 26. ISBN 978-0756692360.
- ↑ Better Know a Thunderbolt: Green Goblin Geargiveer 6 Februarie 2009 op Wayback Machine, Newsarama, 21 December 2006
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
