Gräddost
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
| Gräddost | |
| Herkoms | Swede |
| Vetgehalte | 38-60 % |
| Vorm | Silindries of blok |
| Hoogte | ? cm |
| Gewig | 1000-4300 g |
| Tipe | Halfharde kaas |
| Oorsprong | Koeimelk (vol- of afgeroomde melk) |
Gräddost (Sweeds, letterlik "roomkaas") is 'n Sweedse halfharde kaas wat van koeimelk vervaardig word. Gräddost het 'n milde, romerige en effens suur of soms ook neutagtige smaak. Die kaas word hoofsaaklik met 'n vetgehalte van 60% aangebied, maar daar is ook gekruide soorte en variante met 'n laer vetgehalte verkrygbaar.
Geskiedenis
[wysig | wysig bron]
Die resep vir Gräddost is eers op 24 September 1952 deur Knut Hedqvist vir die Sweedse suiwelfabriek Boxholm Mejeri AB ontwikkel. Sy hoofdoel was om paraffien, wat vir 'n kunsmatige kaaskors benodig word, te bespaar en die kaas liewer in Cryovac-kleefplastiek te laat ryp word.[1] Derhalwe word Gräddost nog steeds merendeels in ronde vorms met 'n gewig van een kilogram vervaardig wat ten minste vier weke lank in hul kleefplastiek ryp word. Daar is nogtans ook groter vorms beskikbaar.
Gräddost het uiteindelik in die 1970's sukses op die Sweedse mark behaal – 'n periode waartydens 'n groot aantal pizzeria's geopen is wat op soek na 'n Sweeds-vervaardigde, milde en maklik smeltbare kaas vir hul pizza's was en vir Gräddost gekies het. Gräddost het vinnig ook in Denemarke en Noorweë gewild geraak. Toe Noorse suiwelfabrieke begin het om self Gräddost te vervaardig, het hulle selfs die Sweedse spelling oorgeneem sodat die kaas in Swede se westelike buurland as Norsk Gräddost bemark word.
Gräddost verwys in Swede nie slegs na die oorspronklike soort kaas nie, maar het daarnaas 'n generiese term vir 'n groot aantal ander roomkaasspesialiteite met vergelykbare eienskappe geword.
Verwysings
[wysig | wysig bron]- ↑ "OstForum: Gräddost". Geargiveer vanaf die oorspronklike op 11 Maart 2008. Besoek op 1 Julie 2008.
Bronne
[wysig | wysig bron]- Hierdie artikel, of gedeeltes daarvan, is uit die volgende Wikipedia-artikel vertaal: Gräddost
- OstForum – Gräddost (in Sweeds) Geargiveer 11 Maart 2008 op Wayback Machine