Gereformeerde kerk Vaalpark

	Gereformeerde Kerk; Vaalpark
Sluit in	Sasolburg; Vaalpark; Vanderbijlpark
Klassis	Vaalrivier
Huidige predikant(e)	Dirk Kruger
Belydende lidmate	226
Dooplidmate	80
Adres	H.v. Suurberg- en 3; Nieuveldstraat ; Vaalpark
	Geskiedenis
Stigtingsdatum	1983
Afgestig van	Sasolburg
Eerste predikant	Dr. R.L. van Niekerk (1992–2001)

Die Gereformeerde kerk Vaalpark is die derde jongste van die 12 gemeentes in die GKSA se Klassis Vaalrivier en een van drie gemeentes van dié kerkvervand wat tussen 1954 en 1983 op die nywerheidsdorp Sasolburg gestig is. Die NG gemeente Vaalpark, ’n makrogemeente met ’n sieletal van in 2014 van 3 272 in 2015, is in 1974 gestig en die Hervormde gemeente Vaalpark op 2 Augustus 1987. Dié gemeente het in 2014 ’n sieletal van 300 gehad.

Die Gereformeerde kerk Vaalpark is in 1983 gestig, dieselfde jaar as die Gereformeerde kerk Sasolburg-Grootfontein, albei afgestig van die gemeente Sasolburg, wat afgestig het van Vanderbijlpark in 1954, die stigtingsjaar van Sasolburg. Vaalpark se lidmate het die eerste drie jaar lank eredienste in die Laerskool Vaalpark gehou terwyl hulle beplan het aan ’n eie kerkgebou. As argitek is H.P. Oosthuizen aangestel en as bouaannemer G.F. van der Merwe. Dié kerkgebou is in 1986 in gebruik geneem.

Vaalpark het in 1997 232 belydende en 94 dooplidmate gehad, in 2011 was dit onderskeidelik 251 en 71 en in 2015 236 en 87. Die moedergemeente se sieletal het egter taamlik skerp afgeneem: In 1997 was die sieletal 729, maar in 2011 275 en in 2015 net 191.

Predikante

Van Niekerk, dr. Rudolph Leon, 1992 – 2001
Tredoux, Alwyn Petrus, 2001 – 2011
Viljoen, Werner, 2012 – 2016
Matthys (Thys) Johannes Lourens, 2016 – hede
Kruger, Dirk Frederik Christiaan, 12 Mei 2019 – hede

Bronne

(af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
(af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
(af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
(af) Venter, ds. A.A. (hoofred.) 1960. Almanak van die Gereformeerde Kerk in Suid-Afrika vir die jaar 1961. Potchefstroom: Administratiewe Buro.
(af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.