Gereformeerde kerk Khomas-Hoogland
Die Gereformeerde kerk Khomas-Hoogland is die jongste van die 15 gemeentes in die GKSA se Klassis Waterberg. Dis een van vyf Nambiese gemeentes wat tot dié Klassis behoort, pleks van die Klassis Etosha, soos al die ander Gereformeerde kerke in die land. Die Gereformeerde kerk Otjiwarongo het in 2015 teruggegaan van Waterberg na Etosha.
Die Gereformeerde kerk Khomas-Hoogland is in 2009 gestig en sluit naas die Namibiese hoofstad, Windhoek, ook die dorpe Okahandja en Rehoboth im. Einde 2015 was hier 40 belydende en 17 dooplidmate, vergeleke met 42 en nege einde 2011. In dieselfde tyd het die drie ander Gereformeerde kerke in sy gebied, Windhoek, Windhoek-Suid en Okahandja se totale getal belydende lidmate van 661 tot 648 afgeneem en die dooplidmate van 149 tot 197 toegeneem.
Ds. J.P. le Roux bedien Khomas-Hoogland sedert 2013 in kombinasie met Namib-Kus en Aranos, wat albei ook tot die Klassis Waterberg behoort. Die afstand wat hy moet aflê van Aranos na Hentiesbaai oor Swakopmund is sowat 760 km.
Predikant
[wysig | wysig bron]Bronne
[wysig | wysig bron]- (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
- (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.