Gaan na inhoud

Chaz Bono

in Wikipedia, die vrye ensiklopedie
Chaz Bono
Chaz Bono in 2017.
Gebore
Chastity Sun Bono

4 Maart 1969 (1969-03-04) (55 jaar oud)
Los Angeles, Kalifornië, VSA
Beroep
  • Skrywer
  • musikant
  • akteur
Jare aktief1972-tans
Ouers

Chaz Salvatore Bono[1] (gebore as Chastity Sun Bono op 4 Maart 1969) is 'n Amerikaanse skrywer, musikant en akteur. Sy ouers is die vermaaksterre Sonny Bono en Cher, en hy het algemeen bekend geraak danksy sy optredes as hulle dogter op hulle televisieprogram, The Sonny & Cher Comedy Hour.[2][3]

Bono is 'n trans man. In 1995, terwyl sy nog as 'n vrou geïdentifiseer het en 'n paar jaar nadat sy deur die geelpers as 'n lesbiër onthul is, het Bono openlik as 'n lesbiër geïdentifiseer in 'n vooraanstaande Amerikaanse gaytydskrif, The Advocate. Bono het eindelik in twee boeke die proses van "uitkom' teenoor jouself en ander bespreek. Family Outing: A Guide to the Coming Out Process for Gays, Lesbians, and Their Families (1998) sluit sy uitkomverhaal in. Die memoires The End of Innocence (2003) bespreek sy uitkom, musiekloopbaan en sy lewensmaat Joan se dood.[4]

Tussen 2008 en 2010 het Bono 'n gendertransisie ondergaan. In Mei 2010 het hy sy naam en gender wetlik verander.[5] 'n Dokumentêre oor Bono se ondervinding, Becoming Chaz, is in 2011 op 'n musiekfees vertoon en later op televisie op die Oprah Winfrey Network.[6][7]

Chastity Bono in 1974 saam met Sonny Bono.

Vroeë lewe

[wysig | wysig bron]

Bono is in Los Angeles, Kalifornië, gebore as Chastity Sun Bono, die enigste kind van Cher en Sonny Bono van die popduo Sonny & Cher. Hulle het ook 'n televisieprogram aangebied waarop die jong kind dikwels verskyn het. Bono is genoem na die fliek Chastity van 1969 wat deur Sonny vervaardig is en waarin Cher (in haar eerste solorol in 'n rolprent) die rol vertolk van 'n biseksuele vrou.[8]

Bono het studeer aan die Fiorello H. LaGuardia High School of Music & Art and Performing Arts in New York.[9] Sy het op 18 aan haar ouers uitgekom as 'n lesbiër. Sy het toe as gay geïdentifiseer.[10]

LGBT-aktivisme

[wysig | wysig bron]
Bono in 2012 op die GLAAD-prysaand.

In April 1995 het Bono as 'n lesbiër uitgekom in 'n onderhoud met The Advocate, 'n Amerikaanse nasionale tydskrif vir gays en lesbiërs.[11]

In sy boek van 1998, Family Outing, skryf Bono dat Cher, wat beide 'n gay-ikoon en bondgenoot van LGBT-gemeenskappe was, taamlik ongemaklik was met die nuus en aanvanklik "mal gegaan het"[12] voordat sy dit aanvaar het: "Teen Augustus 1996, 'n jaar nadat ek in die openbaar uitgekom het, het my ma so ver gevorder dat sy ingestem het om self op die voorblad van The Advocate "uit te kom" as die trotse ma van 'n lesbiese dogter."[13]

Cher het daarna 'n uitgesproke aktivis vir LGBT-regte geword.

Bono se verhouding met sy pa het stram geraak nadat Sonny 'n Republikeinse Kongreslid vir Kalifornië geword het. Die verskil in hulle politieke sienings het 'n wig tussen hulle ingedryf en teen die tyd van Sonny se dood in Januarie 1998 het hulle meer as 'n jaar laas met mekaar gepraat.[11]

Transisie

[wysig | wysig bron]

Middel 2008 het Bono 'n fisieke en sosiale transisie van vrou na man begin. Dit is in Junie 2009 deur sy reklamepersoon bevestig,[14] wat genoem het sy naam is voortaan "Chaz Bono".[15] GLAAD en die Empowering Spirits Foundation het hom gou vir die stap geloof.[16] Bono se wetlike transisie is op 6 Mei 2010 afgehandel toe 'n Kaliforniese hof sy versoek om 'n nuwe naam en gender toegestaan het.[5][17]

Bono het daarna Becoming Chaz, 'n dokumentêr oor sy transisie, gemaak. Nadat dit op 'n filmfees vertoon is, het Oprah Winfrey Network die uitsaairegte bekom en dit op 10 Mei 2011 gewys.[18]

Verwysings

[wysig | wysig bron]
  1. ↑ "Cher's son now officially a man". BBC News. 7 Mei 2010. Geargiveer vanaf die oorspronklike op 31 Augustus 2017. Besoek op 14 November 2011.
  2. ↑ "Chastity Bono Undergoing Gender Change". TV Guide. 11 Junie 2009. Geargiveer vanaf die oorspronklike op 29 Oktober 2011. Besoek op 11 Junie 2009.
  3. ↑ "Chastity Bono is Chaz Bono". Right Celebrity. Junie 11, 2009. Geargiveer vanaf die oorspronklike op Junie 15, 2009. Besoek op Junie 11, 2009.
  4. ↑ Marcus, Lydia (21 Maart 2006). "Interview with Chastity Bono". AfterEllen. Geargiveer vanaf die oorspronklike op 21 Desember 2007. Besoek op 19 Februarie 2007.
  5. ↑ 5,0 5,1 "Chaz Bono granted gender and name change". Fox News Channel. 6 Mei 2010. Geargiveer vanaf die oorspronklike op 6 Januarie 2015.
  6. ↑ "Chaz Bono Documentary To Debut on OWN | Access Hollywood – Celebrity News, Photos & Videos". Access Hollywood. Geargiveer vanaf die oorspronklike op 14 November 2011. Besoek op 14 November 2011.
  7. ↑ "Chaz Bono Documentary, Becoming Chaz, to Have World Television Premiere on OWN". Oprah.com (in Engels (VSA)). Geargiveer vanaf die oorspronklike op 27 Julie 2020. Besoek op 30 April 2020.
  8. ↑ Bryant, Wayne, M. (1996). Bisexual Characters in Film, from Anaïs to Zee. Haworth Press. p. 117. ISBN 978-0-7890-0142-9
  9. ↑ "Jennifer Aniston & Chaz Bono in High School Together (PHOTO)". 15 September 2011. Geargiveer vanaf die oorspronklike op 2 April 2021. Besoek op 10 Oktober 2020.
  10. ↑ Bono, Chaz (as Chastity); Fitzpatrick, Billy (1998). Family Outing. New York: Little, Brown. p. vii. ISBN 0-316-10233-4.
  11. ↑ 11,0 11,1 Freydkin, Donna (14 Oktober 1998). "Chastity Bono opens up about coming out". CNN. Geargiveer vanaf die oorspronklike op 20 Maart 2007. Besoek op 20 Februarie 2007.
  12. ↑ Bono, Chaz (as Chastity); Fitzpatrick, Billy (1998). Family Outing. New York: Little, Brown. p. 207. ISBN 0-316-10233-4.
  13. ↑ Bono, Chaz (as Chastity); Fitzpatrick, Billy (1998). Family Outing. New York: Little, Brown. p. viii. ISBN 0-316-10233-4.
  14. ↑ "Chaz Bono", June 15–16, 2009, Entertainment Tonight.
  15. ↑ "Chastity Bono Undergoing Gender Change". TV Guide. 11 Junie 2009. Geargiveer vanaf die oorspronklike op 21 Maart 2017. Besoek op 8 Januarie 2017.
  16. ↑ "ESF Applauds Chastity Bono's Gender Transition Announcement" (PDF). Empowering Spirits Foundation Press Release. Junie 11, 2009. Geargiveer vanaf die oorspronklike (PDF) op Junie 16, 2009. Besoek op Junie 11, 2009.
  17. ↑ "Chaz Bono, Cher's child, becomes a man after Southern Californian judges grants gender change". Herald Sun. 7 Mei 2010. Geargiveer vanaf die oorspronklike op 14 Junie 2011. Besoek op 7 Mei 2010.
  18. ↑ Byrge, Duane (24 Januarie 2011). "SUNDANCE REVIEW: 'Becoming Chaz' Is a Powerful Study in Personal Courage". The Hollywood Reporter (in Engels). Geargiveer vanaf die oorspronklike op 1 Oktober 2019. Besoek op 20 Mei 2019.

Skakels

[wysig | wysig bron]
Ontsluit van "https://af.wikipedia.org/w/index.php?title=Chaz_Bono&oldid=2563187"