Abdelmadjid Tebboune
| Abdelmadjid Tebboune | |
 Tebboune in 2023 | |
8ste President van Algerië
| |
| Ampsbekleër | |
| Termynaanvang 19 Desember 2019 | |
| Eerste minister | Sabri Boukadoum (waarnemend) Abdelaziz Djerad Aymen Benabderrahmane Nadir Larbaoui |
|---|---|
| Voorafgegaan deur | Abdelkader Bensalah (waarnemend) |
16de Eerste minister van Algerië
| |
| Ampstermyn 25 Mei 2017 – 15 Augustus 2017 | |
| President | Abdelaziz Bouteflika |
| Voorafgegaan deur | Abdelmalek Sellal |
| Opgevolg deur | Ahmed Ouyahia |
Minister van Verdediging
| |
| Ampsbekleër | |
| Termynaanvang 19 Desember 2019 | |
| President | Homself |
| Eerste minister | Sabri Boukadoum (waarnemend) Abdelaziz Djerad Aymen Benabderrahmane |
| Voorafgegaan deur | Ahmed Gaid Salah (waarnemend) Abdelaziz Bouteflika (de jure) |
Persoonlike besonderhede
| |
| Gebore | Abdelmadjid Tebboune 19 November 1945 Mecherië, Naâma-provinsie, Franse Algerië |
| Politieke party | Nasionale Bevrydingsfront |
| Eggenoot/-note | Fatima Zohra Bella |
| Alma mater | Nasionale Skool van Administrasie |
Abdelmadjid Tebboune (Arabies: عبد المجيد تبون, geromaniseer: ʿAbd al-Majīd Tabuʾn; gebore 17 November 1945) is 'n Algerynse politikus en sedert Desember 2019 die 8ste president van Algerië. Hy het president Abdelaziz Bouteflika en die waarnemende staatshoof Abdelkader Bensalah in hierdie amp opgevolg. Tebboune was van Mei 2017 tot Augustus 2017 premier van Algerië. Hy was van 2001 tot 2002 vir een jaar en van 2012 tot 2017 vir 5 jaar minister van behuising.[1]
Biografie
[wysig | wysig bron]Tebboune is op 17 November 1954 in die dorp Mecherië in die huidige Naâma-provinsie van Algerië gebore.[2] Sy familie is afkomstige van die Boussemghoun-gemeente in die El Bayadh-provinsie, geleë in die streek van die Hoogvlaktes van suidwes-Algerië.[3] Sy pa was 'n sjeik-lid van die Vereniging van Algerynse Moslem Ulema (en Abdelmadjid was in 'n skool wat deur die Vereniging van Ulema in Sidi Bel Abbes beheer is voor die begin van die Algerynse Oorlog tussen 1953 en 1954) en ook 'n soldaat.[4] Hy is getroud met Fatima Zohra Bella en die egpaar het vyf kinders: Saloua, Maha, Salaheddine Ilyes, Mohamed and Khaled.[5][6] Hy het op 29 Julie 1969 aan die Nasionale Skool vir Administrasie gegradueer.[7]
Politieke loopbaan
[wysig | wysig bron]Tebboune was vanaf 1991 tot 1992 die Minister-Afgevaardigde vir Plaaslike Regering, gedurende die laaste maande van Chadli Benjedid se presidentskap. Later, onder president Abdelaziz Bouteflika, het hy as Minister van Kommunikasie en Kultuur vanaf 1999 tot 2000 en daarna as Minister-Afgevaardigde vir Plaaslike Regering vanaf 2000 tot 2001 gedien. Hy was tussen 2001 en 2002 die Minister van Behuising en Stedelike Beplanning. Tien jaar later, in 2012, het hy teruggekeer na die pos van minister van behuising in die kabinet van premier Abdelmalek Sellal. Hy is in die Panama-dokumente genoem.[1]
Na afloop van die Mei 2017 parlementêre verkiesing, het president Bouteflika op 24 Mei 2017 vir Tebboune gekies vir om Sellal as Eerste Minister op te volg. Die aanstelling van Tebboune het Algerynse politieke elites verras, wat geglo het dat Sellal heraangestel sou word.[1] Die nuwe regering onder leiding van Tebboune is op 25 Mei ingehuldig.[8]
Op 15 Augustus 2017 het Bouteflika vir Tebboune afgedank en vir Ahmed Ouyahia gekies om hom op te volg.[9] Tebboune het vir minder as drie maande as Eerste Minister gedien.[10]
Op 12 Desember 2019 is Tebboune as president verkies. Hy het meer as 58% van die stemme ontvang. Op 19 Desember het hy die amp aanvaar en die Nasionale Orde van Verdienste van die waarnemende president Abdelkader Bensalah ontvang.[11][12]
Verwysings
[wysig | wysig bron]- ↑ 1,0 1,1 1,2 Lamlili, Nadia (25 Mei 2017). "Premier ministre d'Abdelaziz Bouteflika ?" [Abdelaziz Bouteflika's Prime Minister?]. Jeune Afrique (in Frans). Geargiveer vanaf die oorspronklike op 2 November 2019. Besoek op 2 November 2019.
- ↑ "ELECTION POLITIQUE CITOYEN". www.election-politique.com. Besoek op 7 Junie 2021.
- ↑ "Algérie : Abdelmadjid Tebboune, un président entre les mains de l'armée". La Croix (in Frans). 15 Desember 2019. ISSN 0242-6056. Besoek op 7 Junie 2021.
- ↑ "Algérie : les défis d'Abdelmadjid Tebboune, nouveau président d'un pays sous tension – Jeune Afrique". JeuneAfrique.com (in Frans). 13 Desember 2019. Besoek op 8 Junie 2021.
- ↑ Beau, Nicolas (15 November 2020). "Le pouvoir algérien, un bateau sans capitaine". Mondafrique (in Frans). Geargiveer vanaf die oorspronklike op 8 Junie 2021. Besoek op 8 Junie 2021.
- ↑ "Algérie: comment Abdelmadjid Tebboune met la fonction de chef de l'État au service de ses enfants". fr.le360.ma (in Frans). 24 Julie 2020. Besoek op 8 Junie 2021.
- ↑ "Journal officiel de la République algérienne" (PDF). Official Journal of the Algerian Republic. 29 Julie 1969.
- ↑ "Algerian energy, finance ministers replaced in reshuffle - APS". Reuters. 24 Mei 2017.
- ↑ Lamin chikhi (15 Augustus 2017). "Algeria recalls veteran crisis manager Ouyahia as Prime Minister". Reuters. Geargiveer vanaf die oorspronklike op 16 Augustus 2017.
- ↑ "Le Premier Ministre prend ses fonctions". Official website of the Prime Minister of Algeria (in Frans). 16 Augustus 2017.
- ↑ "Algeria election: Ex-PM to replace Bouteflika after boycotted poll". BBC. 13 Desember 2019.
- ↑ "FLN et RND : La fin des "partis du pouvoir"". El Watan (in Frans). 15 Desember 2019. Geargiveer vanaf die oorspronklike op 16 Desember 2019. Besoek op 15 Desember 2019.
Eksterne skakels
[wysig | wysig bron]| Hierdie artikel is in sy geheel of gedeeltelik vanuit die Engelse Wikipedia vertaal. |
Wikimedia Commons het meer media in die kategorie Abdelmadjid Tebboune.
