Katolieke Universiteit Leuven
Die Katolieke Universiteit Leuven (ook bekend as KU Leuven) is 'n belangrike universiteit in die Belgiese stad Leuven. Die universiteit is die grootste Nederlandstalige universiteit ter wêreld, en ook die grootste universiteit in die Lae Lande.
| KU Leuven | |
|---|---|
 | |
| Die Katolieke Universiteit Leuven se biblioteek. | |
Latyn: Universitas Catholica Lovaniensis | |
| Leuse: | Sedes sapientiae |
| Gestig: | 1425 |
| Gesluit: | 1797 - 1835 |
| Kanselier: | André Léonard |
| Rektor: | Luc Sels |
| Personeel: | 11 544 |
| Studentetal: | 57 181 |
| Voorgraadse studente: | 29 746 |
| Nagraadse studente: | 22 265 |
| Doktorale studente: | 5 170 |
| Ligging: | Leuven, Vlaandere,  België
|
| Affiliasies: | Coimbra, CESAER, EUA, LERU |
| Webtuiste: | http://kuleuven.be/ |
 | |
Alhoewel die huidige universiteit eers amptelik in 1835 gestig is, strek sy verlede terug na die vyftiende eeu. Sy direkte voorsaat, die ou Universiteit Leuven is in 1425 as die eerste universiteit in die Lae Lande gestig, maar hy is in 1797 tydens die Napoleontiese oorloë opgehef. Net na die totstandkoming van België in 1830, is KU Leuven gestig om as die voortganger van die ou universiteit te dien. In die twintigste eeu het KU Leuven 'n belangrike rol in die Belgiese taalpolitiek gespeel, en is hy in 1968 in 'n Nederlandse en 'n Franse universiteit verdeel. Die Franse universiteit het na Louvain-la-Neuve in Wallonië verhuis, terwyl die Nederlandse universiteit in Leuven agtergebly het.
In die 2014-2015 akademiejaar was daar 57 181 studente aan KU Leuven. As voertaal word sowel Nederlands, Engels, Frans as Spaans gebruik, hoewel die grote meerderheid klasse in Nederlands aangebied word. In Nederlands is daar 55 grade op baccalaureusvlak, 133 grade op meestersvlak, en 48 meester-na-meester-grade. In Engels word daar 2 baccalaureusgrade, 48 meestersgrade en 27 meester-na-meester-grade aangebied. Frans het 2 meestersvlak grade, en Spaans het een meester-na-meester-graad.
Eksterne skakels
wysig| Wikimedia Commons bevat media in verband met Katholieke Universiteit Leuven. |
- Amptelike webblad van die universiteit - KU Leuven Geargiveer 5 Maart 2011 op Wayback Machine
- Amptelike webblad van die universiteitshospitaal - Universitaire Ziekenhuizen
- Die universiteitsblad - CampusKrant