Anna van Pole

Anna van Pole, dikwels ook Anna Jagiellonica (Pools Anna Jagiellonka, Litaus Ona Jogailaitė) genoem; * 18 Oktober 1523 in Krakow; † 9 September 1596 in Warskou; was 'n Pools-Litause prinses uit die huis Jagiello en die dogter van koning Sigismund I.

Anna van Pole
Koning van Pole en Grootvors van Litaue
Anna van Pole in haar bekroningsornaat
Vorstehuis	Jagiello
Titels	Anna, koning van Pole deur God se genade, Grootvors van Litaue
Regeer	15 Desember 1575 - 1586
Kroning	1 Mei 1576 in Warskou
Voorganger	Hendrik van Valois Interrex (1574-1575)
Opvolger	Interrex (1586-1587) Sigismund III Wasa
Volle naam	Anna Jagiellonka
Gebore	18 Oktober 1523; Krakow, Pole
Oorlede	9 September 1596; Warskou, Pole
Begrawe	Wawel-katedraal, Krakow
Eggenoot	Stefanus Báthory
Vader	Sigismund I van Pole
Moeder	Bona Sforza
Handtekening

Anna, die laaste lid van die Huis Jagiello, is saam met haar destydse verloofde Stefanus Báthory as mede-heerser in die tweede verkiesing van die Pools-Litause Gemenebes verkies. Sy het formeel vanaf 1575 tot met haar afsterwe as verkose staatshoof van Pole-Litaue ("koning" van Pole en grootvors van Litaue) geregeer.

Titel

Anna se amptelike titel was, net soos dié van Hedwig van Pole, inderdaad Król Anna (Latyns: Anna Dei Rex Poloniae; "Anna van Gods Genade Koning van Pole") of "Koning Anna" aangesien sy in haar eie reg heerseres van die koninkryk was. Alle gekroonde hoofde van Pole het hierdie titel sonder aansien van geslag gedra. Die eggenotes van konings het die titel Królowa (Latyns: Regina Poloniae) gedra en eers met hul huwelik koningin geword.